主页 > H生活历 >17岁选新秀入行 25岁许靖韵:唔想浪费青春! >

17岁选新秀入行 25岁许靖韵:唔想浪费青春!

2020-08-08 ·      
   
25岁,入行第八个年头。

也就是说,许靖韵 (Angela) 三分一的人生,都在乐坛起伏与跌蕩。

90后,听说都缺乏耐性、都还没搞清想要甚幺、都以为还有大把青春可以蹉跎。

可是Angela不一样,17岁自己走去参加新秀,攞埋第二;20岁唱片成绩欠佳,照她的话说,已经主动杀上唱片公司「周围刮人」开会谈解决方案;不见样只见小背心翻唱别人的歌,靠自己杀出一条血路;今年再下一城,载歌载舞自弹自唱凭选秀节目《创造101》打进内地市场⋯⋯笔者觉得最了不起的是,即使背后有间最强的唱片/经理人公司做靠山,这个小女孩也没有坐享其成。

「最坏的时候,唔可以对自己冇自信,需要抉择嘅时候,唔好做个令自己有机会后悔嘅决定,我唔想浪费青春,就係咁简单!」

大战完《创造101》,Angela回港重新投入歌唱事业,有新歌有新碟仲有音乐会筹备中形势大好⋯⋯但是你懂的,八年以来起跌过好几次,再不似预期 又该怎幺办?

Angela说:「未达到目标,就再努力过啰!」

嗯,不能浪费却也不会怕输,这才是青春。

许靖韵 19,90,3097

比赛三个月,许靖韵最后排名第19。入营90天,她说她的时间除了排舞练歌,还用来读了一本书《3097》。

不说不知道,原来真人骚训练营严禁训练生携带手机电脑及任何通讯用品,想打电话回家、想上网淘宝,还得每次申请,每月两次、每次半个钟。

「试过有人上缴电话,但係偷偷收埋咗iPad同电脑,仲要玩埋直播自己踢爆自己,结果咪搞到製作单位要搵一次大清洗,逐间房检查没收所有电子用品啰!开头你会觉得『黐线㗎!唔畀笃电话,一日24小时要点过喎?』原来唔係想像中咁难。以为三个月、成百个女仔堆埋一齐,仲唔係是非多到听见都头痛?原来又唔係喎,当你身处嗰个环境、大家都係同一个目标,真係可以培养出感情,而唔係是非。」

17岁选新秀入行 25岁许靖韵:唔想浪费青春!

「以前睇唔少真人骚、选秀节目,一个出局,其他又揽又喊,我都觉得有乜可能?点会咁friend?事实原来真係可以好好感情。咁大个女,第一次闷起上嚟冇得笃电话,至知道原来人同人之间可以咁沟通、抬起头原来身边个人生咩样、屋企有咩人、甚至有冇养宠物,我都知!尤甚係同屋住四个女仔,你谂吓,三个月时间,一齐瞓、一齐住、一齐录影、一齐练歌练舞,真係可以好感情到一个点,怕第二日有人会出局,结果成班女仔担心到瞓唔着。

成班训练生係由全国二万几人海选最后留低,有啲係本科生、有啲係dancer,有啲本来已经係唱片公司练习生,你见到人哋咁叻都进取到一日瞓得三个钟甚至更少都要练多阵舞,嗰种环境,点到我畀自己偷懒、畀自己唔去进步?」

17岁选新秀入行 25岁许靖韵:唔想浪费青春!

「无疑,呢一次参赛经验帮我增加唔少知名度、又再帮我开个好头,返嚟香港再起步,但係咁多年经验话畀我知,做歌手好被动、呢一切并唔代表从此以后就平步青云。我唔怕再跌、唔怕再失望,只想提醒自己,以后无论遇到咩情况,都要保持住当时入营参加《创造101》嗰团火。

话就话101,其实第一集已经out咗大半,剩番54个女仔,我就係第54名。嗰一刻我话畀自己听,许靖韵,你冇得再退后喇,因为你已经係最后包尾嗰个,同呢一行一样,冇退路,就只可以向上爬。一定要话畀人知,我可以更好、值得留低!」

17岁选新秀入行 25岁许靖韵:唔想浪费青春!

美少女转身变

《创造101》的女生里,不少都是内地唱片公司的练习生。入营录影节目就话要没收电话艰苦受训随时做好準备被淘汰,原来在唱片公司受训时,练习生们本来就冇收入、冇假放、没收电话兼且要全日受训。听过待遇,Angela说觉得身为香港乐坛歌手真心幸运得多⋯⋯真的幸运吗?Angela忘了头几年,她也艰苦过、信心被严重打沉过。

「嗰年参加新秀,我只得17岁,一入行就赢咗第二、比赛完即刻签咗英皇,喂!我咁唱得、又签咗咁大间唱片公司、公司有祖儿姐姐喎!今次仲唔掂硬、仲唔係好快就做到大明星?⋯⋯嗰一下真係信心爆棚!

点知第一年冇自己歌,只係帮人唱demo。第二年,又係冇自己歌,都係只可以帮人唱demo。」

17岁选新秀入行 25岁许靖韵:唔想浪费青春!

「入去录音室录demo,仲要畀人指出好多问题,话我咬字唔清、话我一味得个大声、根本识放唔识收,一啲感情都冇。第三年,终于开始帮自己歌录demo。因为渴咗太耐、因为等咗呢个机会太耐,公司畀乜我就唱乜,从来冇谂过首歌係唔係适合我、呢个歌唱路线係唔係自己想要⋯⋯结果第一、二只EP成绩都麻麻,出面最大反响就係『呢个女仔咁似泳儿嘅?』

第四年、第五年,工作愈嚟愈少,甚至试过成年冇工开、冇收入,连以前录demo嘅机会都冇埋。我唔係嗰啲坐喺屋企等运到嘅人,真係试过主动返公司、周围刮人问。我想搞清楚我唔掂,到底唔掂喺边,我嘅青春唔可以攞嚟虚度。」

17岁选新秀入行 25岁许靖韵:唔想浪费青春!

「好多人以为我屋企有钱,其实唔係,我住新界大嘅、爸爸妈妈都係普通人家、打紧份普通不过嘅工。屋企唔等我开饭、爸爸同妹妹一味盲撑⋯⋯都冇用㗎,时间一日一日咁过,妈咪都提议我不如好似其他同学咁,读金融、做金融,起码入行搵到钱,唔似得依家零收入。

有时最低潮嘅日子捱过咗,望番转头,原来低潮都可以係转机。就係冇工开嗰一年,我识咗好多音乐人、周围问人可唔可以合作同写歌畀我、我多咗时间提升自己音乐造诣,亦都係嗰阵时开始,我上网翻唱别人的歌,开始化身『小背心』。」

17岁选新秀入行 25岁许靖韵:唔想浪费青春!

「我大学喺浸会读金融,好多同学毕业入行、收入一年比一年多⋯⋯我觉得唔係咁计嘅。如果当初好似大家一样入行,十年后搵到再多钱,我知道自己都一定会后悔,点解当初唔去唱歌、点解当年冇坚持落去。我就係嗰种人,哪怕有一丝会后悔嘅机会,我都唔会畀自己咁做。」

更好的,值得等

可能真的是事业与爱情无法兼顾,去年尾「小背心」开骚揭开真面目、许靖韵攀上第一个事业高峰之际,正是她宣布和相恋三年男友罗启聪甩拖之时。这个月Angela将会推出新歌、举办个人音乐会,Angela说重新起步的第一首原创主打歌,说的正是失恋。

「首歌好惨情吓,demo首词都係我自己凭感觉写⋯⋯哈哈,不过公司用咗我首歌、嫌我首词唔够成熟。最后写词呢part都係留番畀专业人士,不过我写呢首歌想表达啲乜,佢哋完全知。」

17岁选新秀入行 25岁许靖韵:唔想浪费青春!

「我曾经试过有第三者介入、试过被男朋友背叛,大受打击几年都唔敢再拍拖,不过呢次唔係因为咁⋯⋯我同佢 (罗启聪) 性格相近、爱好一致,就係因为太似、大家都係太冲动太火爆,于是摆埋一齐就会出事。

有阵时我都会检讨自己,係唔係我唔够迁就呢?係唔係自己太直、识放唔识收呢?几个月过去,我谂通咗,唔係咁⋯⋯爱情唔应该要战战兢兢,为咗对方忽略同收埋自己,一年半年好未?最终又可以顶得顺几耐?」

「我信呢个世界有个soulmate,唔知几耐以后、唔知喺边个地方,但係我总有一日会遇到佢。真正嘅爱应该係可以舒舒服服做自己。好似喺呢行一样啫嘛,遇到容易,维持难。一鸣惊人起个好头容易,但係点样喺呢个行业继续进步而唔被淘汰先至最难。我份人由细到大都好乐观,畀啲信心自己、唔好忘记要努力,对的人一定会出现。我信下次遇到嗰个一定会更好,一定值得我等待!」

后记:学嘢啦!

意料之外,24岁的Angela,谈吐思想一点都不像24岁。

忘了多少年,没有对甚幺乐坛新人有期待,第一次对谈Angela,却是刮目相看。

「唱片公司大间、后盾强、打造同出品歌手係佢哋擅长啫,但係唔代表我哋就应该坐喺度等佢哋input、然后再帮我哋output。相反,我觉得我哋係艺人,冇理由照单全收,应该由我哋创造,再交畀公司output。我觉得人需要浸、路需要行,如果畀我第一年出道就爆出,就唔会有今日嘅我、就唔会想进步,同我喺《101》嘅心态一样。谂番转头我唔会觉得有边一步係冤枉路,放眼将来,我都唔怕再失望再遇上低潮,因为有过经验嘅日子我会更识得利用。」

小背心以外,原来亮眼的还有很多。

一出道就攞新秀亚军又签约英皇,Angela话以为公司够大、又有得做「祖儿姐姐」嘅师妹,曾以为下个巨星就是自己。

17岁选新秀入行 25岁许靖韵:唔想浪费青春!

年初,与歌手前男友分手后不久就北上参与选秀节目《创造101》,Angela说少了牵挂和感情起伏,心态更专注更有火。

17岁选新秀入行 25岁许靖韵:唔想浪费青春!

本来以为100个女仔,听是非都听到头痛,结果却和女孩们朝夕相对成了真正闺密。Angela最终在节目中获得第19名的佳绩。

17岁那年,一个人胆粗粗参选英皇新秀大赛,结果因为声靓又弹得一手好琴,勇夺亚军,还在比赛时就储埋大班忠实fans。

入行后起起伏伏好几年,Angela说爸爸和妹妹属于盲撑一族,不过妈妈就理智得多:「佢想我学以致用做番金融,但係我唔想咁容易放弃自己。」

17岁选新秀入行 25岁许靖韵:唔想浪费青春!

三年前与歌手罗启聪发展地下恋,恋情因为男方赤膊揽Angela爱犬而意外曝光,不过曝光不久后,亦都因为了解而分开。

17岁选新秀入行 25岁许靖韵:唔想浪费青春!

连唱三年demo苦等一个出碟机会、真正出道结果亦不似预期,成年冇工开冇收入的低潮期,许靖韵于是靠唱别人的歌化身小背心杀出一条血路。

17岁选新秀入行 25岁许靖韵:唔想浪费青春!

凭小背心之名吸引三万多歌迷追蹤、话题不断,去年月以蒙面小背心身份开了首个个人音乐会。

17岁选新秀入行 25岁许靖韵:唔想浪费青春!

上一篇:
下一篇:

看了这篇文章的用户还看了